Var så vidt me rakk å få i gjestane noko mat, før me tok turen opp til Uenes og kamp med Vollen FK, før det bars tilbake til leiligheita for å sjå Molde-Tromsø, vart siger i begge kampane gitt!
På fredag tok Per Gunnar og Nerland turen ut med båten for å fiske, medan me damene reiste til Lyngdal på shopping, og ingen av oss kom tomhente heim.
Etterpå vart det båttur ut til Huk på Øyna, der det vart grilling av både makrell og kjøt, og ikkje minst potet ;-)
Varmt og fint var det, så då vart det óg tid for årets første bad for meg og Per Gunnar, digg!
På laurdag vart det tid for ein ny båttur, då var det Torsøy som stod for tur. Der var det tid for soling og bading, samt vandring til skyggenes dal for enkelte.
Etter kvart satte me oss i båten att, og køyrde i retning Hidra og Isbua. Der fekk me oss ein fantastisk god middag, så då var alle mette og fornøyde. Sjølvbilete var det ein som tok óg. Så bars det heimover for å sjå landskamp og Grand Prix, heia Norge!!
Søndag var det Sokndalsdagane som stod for tur, der me rusla rundt i gatene og såg på forskjellige salgsboder, kjøpte oss noko grillmat og vasa rundt. I tillegg hadde dei "ta sjansen" på sykkel, som var bra underhaldning, vart nokre plask for å seie det slik.
Når me var attende i byen for me på Pizza inn og åt pizza!! Etter middagen fann me ut at me måtte teste ut den nye bystranda, og trur du ikkje at Nerland fekk seg årets første bad óg.
I kveldinga vart det tur til Høgfjell for alle utan mamma, og enkelte vart litt skeptiske når me kom til stigar og klatring, men det gjekk godt både opp og ned. Fin utsikt!
Måndags førmiddag vart brukt til pakking, boccia-speling og soft is-eting. Pluss at badenymfen Nerland drog oss med ut å bada igjen.
Vil takke alle saman for ei super helg!!
