Gulbergknuten

I dag køyrde me til Moi og satte nasen opp mot Gulbergknuten. Skikkelig deilig og varmt vêr i dag, perfekt med ein fjelltur, litt vind på toppen var det men... Etterpå kjøpte me oss softis, namminam!

Båtpussing!

Då er me ferdig med årets båtpuss, etter tre økter med arbeid. Blank og fin vart den når me var ferdig. Sjøsatte den i går, og då gjekk turen så klart ut til Torsøy for grilling etterpå!

Ny sink:

Ekstremtur til Tomlingen!

På søndag bars det ut på tur igjen, og då var det Tomlingen som stod på programmet. Faktisk er det Flekkefjord's høgste fjell (683 moh), så det var på høg tid me tok turen dit. Me pakka noko niste, kakao og solbærtoddy i sekken og la i veg. Måtte først køyre til Sira og så vidare mot Tonstad, før me fann start-skiltet. Me gjekk og gjekk, og det var både bratt og langt... Ei stund lurte me på om me hadde hamna på Finmarksvidda, snø og kaldt var det, men sidan me ikkje såg eit einaste reinsdyr, fann me ut at me ikkje var der likevel. Og som alltid når me skal på ein topp me ikkje har vore på før, blir det til at det føles ekstra langt, sidan me ikkje veit når me er framme... Men til slutt kom me oss til topps!

Kakaopause på veg opp:

Utsikta frå toppen:

Solandsvarden!

På laurdag tok me turen opp på Solandsvarden, den sjette toppen for året. Heldigvis var det betre føre enn i fjor når me var der, då gjekk me nemleg å vassa i snø... Fint fjellvêr! Utsikt heilt til Åna-Sira:

Storeheia!

I dag har me tatt turen opp trappene til Lilleheia, og så vidare opp på Storeheia, der fekk me oss kvart vårt klipp i 10 på topp! Vêret skifta frå overskya til strålande sol og til hagl, lett blanding med andre ord.

Påska 2012!

Er vel i grunnen ei stund sidan det egentleg var påske no, men sidan eg er så treg med blogginga, kjem det nokre bilete frå påska no likevel...

Var heime hjå mamma på Gossen ein del av påska, Linda og Michal var òg der, kjekt å treffe dei att. Tida gjekk med til å høyre på påskelabyrinten, ete mat, sjå fjernsyn, spele Alias, lese bøker, ete mat, spele Wordfeud, ete mat og kose oss. Eit par joggeturar vart det òg tid til, og det var vel og bra!

På søndag vart eg med Per Gunnar til Lyngstad, der eg fekk truffe Liv Mary og Nerland, og Lena & Co, det var kjekt! På måndagen for Per Gunnar og Nerland på havet ilag med Høvdingen, medan eg, Liv Mary, Lena og Dina tok turen til Farstad og gjekk tur. Om kvelden drog me innover til Molde på kamp, og når me då fekk oss ein siger, var alt som det skulle vere! Tysdag gjekk turen attende til Flekkefjord og jobbkvardagen, tok forresten same fly som Gahr Støre, kjendis!!

Ivrig supportar!!

Bærtjørnknuten!

I går var det tid for ein topptur igjen, og valet fall på Bærtjørnknuten.

Ein ikkje alt for lang tur dette, så det var overkommeleg. Blå himmel og sol, men ikkje den heilt store temperaturen, og med litt vind, så var det litt småkaldt.

Per Gunnar hadde med seg ein kikkert opp, og kikra til alle kantar på toppen.

Beveren har vore på ferde!