Søylandsvarden

Etter jobb i dag fekk me tid til ein fjelltur. Første etappe var pr sykkel opp til Søyland, før me gjekk vidare opp i heia. Dette vart dermed topp nr 13 på ti på topp i år.

No i kveld er det duka for Molde-kamp.

Hilleborg og St.Hans

I sankthanshelga fekk me besøk av mamma nokre dagar, kjekt med besøk! Då rakk me både det eine og det andre. Skulle eigentleg på båttur på laurdag, men så fann me ut at det vart betre vër på søndag, dermed vart det fjelltur på laurdag i staden for. Då tok me turen til Gumpefjell, som eigentleg ikkje ser ut som eit fjell!

Pizza Inn er obligatorisk:

Båttur og bading:

Feiring av sankthansaften på Flekkefjordsvis, med tenning av Spira på fjorden.

Mamma var kjempesprek, og hadde to turar opp trappene til Lilleheia kvar dag.

Pinsebesøk

Som tradisjonen tru, so fekk me besøk av Liv Mary og Nerland i pinsehelga. På laurdagen stod båttur til Dåtlandsstrand på programmet, der vart det både fjelltur og rekeeting.

På søndag tok me turen til Lista, der me fekk sett vindmøllar, helleristningar og listastrendene.

Etter å ha vore i Lyngdal og ete god mat, drog me innom utsiktspunktet Olsby i Rauli.

På måndag vart det båttur igjen, der me på veg ut til Torsøy traff på ein svanefamilie. Nerland var ivrig i matinga!

Takk for ei kjekk helg!!

Brufjell

Midt i april tok me turen til Roligheten og Brufjell! Hadde med oss eingongsgrill og kosa oss med pølser på toppen! Varmt var det óg!

Nonfjell

Tidleg i mai tok me óg turen til Nonfjell. Der gjekk me so fort at me knekte mannen med ryggsekken. Rakk det so vidt før me kom oss på toppen! Me sprang nesten heile vegen ned att, so det vart ei skikkeleg treningsøkt.

Superhelg

Fredag etter Molde-kampen, så tusla me bort til båten og satte kurs ut fjorden. Overnatta på Hidra til laurdag, då me tidleg køyrde vidare til Dåtlandstrand. Det tilbrakte me heile laurdagen med mykje bading og sol, herlig!! I løpet av dagen fekk me sett både nise, kobb og geiter, så underhaldninga var stor.

I dag tidleg køyrde me vidare ut Hidrasundet, og fann oss ei passande grunne å fiske på, der fekk me fylt opp ei pøs med makrell.

Etterpå vart det fjelltur til Veden Stod, med finfin utsikt.