Julekos!

Juletreet pynta, og kjærleiken blomstrar!

Lussekattar!

I går var den store bakedagen her i Flekkefjord, når me baka våre årlege lussekattar!! Og dei vart så gode at me åt opp halvparten. Ein som åt seg åt òg!

Skagerak-cup 2011

I helga var me i Kristiansand og spela Skagerak-cup med Vollen FK. Og me damene jegg jaggu heilt til topps!!

Søndagstur

På søndag vasa me oss ein tur opp til utsiktspunktet på Lilleheia, hadde med oss klementinar til niste! Fint vêr og flott utsikt!!

Oslo-helg!

I helga tok me turen til Oslo for å besøke Linda & Michal. Hadde òg planer om å få med oss Stabæk-Molde, noko som lukkast sånn halvveis, då flyet var forseinka... Men fekk no med oss ein del da, om ikkje anna enn jubelbrølet av scoringa til Molde.
På laurdag var me å spela fotballgolf, så var me ute for å ete middag, før me avslutta dagen med ein tur til Holmenkollen, som var rosa for anledninga! Eg og Per Gunnar gjekk den lange vegen opp unnarennet, mange trappetrinn gitt!

Søndag var det duka for ein tur til operaen i Bjørvika, så no har me vore skikkelege turistar!

LITT speling av togspelet på i-paden til Michal vart det òg i løpet av helga..!

Båttur og fjelltur

Me har hatt ein fin søndag så langt, med båttur og fjelltur, og medan me no ventar på kampen i kveld, så står fårikålet og putrar på komfyren! Først tok me oss ein båttur, eigentleg berre fordi det var så lengje sidan sist me hadde starta båten, så me putra oss i veg, og hadde tenkt å ta ei runde rundt Torsøy og attende. Per Gunnar slengde ut snøret berre for artig og plutseleg fekk han napp gitt! Og opp kom ei fin aure, som vart fortært til lunch! Me fekk òg sett opp til fleire svanefamiliar på tur!

No i ettermiddag tok me oss ein tur opp på Høgfjell, fin utsikt som alltid! Og MFK-huene er så klart på på kampdagen!

Sommar i oktober!

Skikkeleg deilig vêr i går, over 20 grader og sol, shortsvêr!! Det måtte me benytte oss av, og var ute mest heile dagen. Først tok me oss ein sykkeltur, her er bilete frå eit utsiktspunkt med utsikt over byen.

Etterpå hadde me med oss ein haug med pikk-pakk, og for på stranda på Grønnes. Der låg me rett ut i sola og kosa oss, spela litt badmington, triksa fotball og spela kort. Grilling vart det sjølvsagt òg tid til.

På gamle traktar!

Sykla meg ein tur til gamle traktar i dag tidleg. Å trur du ikkje det hadde dukka opp eit busskur i Skarshaugen?

På tur i Aukraskogen!

I finvêret i førmiddag hadde me oss ein fin trimtur i Aukraskogen. Mamma i fint driv med stavane sine!

 

Storinvestering!

Denne veka har me slått på stortromma, og gått til innkjøp av eit viktig møbel! Nemleg ny do! Og det med demping sjølvsagt!

Artig "båt" !!

Topp nummer 18 i dag!!

I dag har me vore på den siste toppen i "10 på topp" for året. Me kom oss endeleg på Hestheia, dit me eigentleg skulle når Linda og Michal var med! Så glad vart me for å vere ferdig med alle toppane!!

Kino, fjelltur og sirkus!!

På fredag var me på kino og såg "Sønner av Norge". Trudde eigentleg den skulle vere hakket artigare enn den viste seg å vere, men den var heilt grei. Og viss nokon har ein ønske om å sjå Sven Nordin utan ein tråd, er dette filmen for deg!

I går var det igjen duka for fjelltur, to toppar på ein gong sto for tur: Kjørsfjell og garden Li. Me fekk eit fint fjellvêr, grått, men ikkje regn. Me traska avgarde, Per Gunnar med sine nye fjellsko, og eg med mine gamle, og me hadde akkurat teke oss over ei elv, då me høyrde ein mystisk lyd... Og trur du ikke det plutseleg byksa fram ein elg og ein elgkalv nesten rett framfor oss?! Men dei sprang heldigvis den andre vegen, og me kom oss velberga opp på første toppen.

Etter kvart fann me òg vegen til garden Li:

Når me hadde komme oss heim frå fjellturen, og teke oss ein velfortjent dusj, hadde Per Gunnar så lyst på sirkus, så då vart det til at me for dit òg. Ikkje alt som var like artig då men...

Langhelg i Aberdeen!

Fredag morgon satte me oss på minibussen med kursen for Sola og deretter Aberdeen, saman med ti andre frå Vollen FK. Når me kom fram til hotellet og skulle sjekke inn, fekk eg og Per Gunnar beskjed om at me fekk det finaste rommet på heile hotellet!! Så då hadde me stort rom, stor seng, sofa, musikkanlegg, vifte, to dusjar, badekar, to vaskar, og tv på badet! Snakk om luksus, og snakk om heldiggrisar.

Fredagen såg me oss om litt rundt i sentrum, shoppa litt, og var innom nokre barar, og ikkje minst fekk me sett den første mannen i kilt.

Laurdag måtte me forholdsvis tidleg opp, for då sto det ein buss og venta på oss klokka 10, for me skulle på sightseeing. Først stoppa me i ein liten by der me fekk sett oss litt rundt, så stoppa me på eit whiskeydestilleri med namn Royal Lochagar. Der fekk me sett korleis dei lagar whiskey og ein smaksprøve vart det óg på oss.

Medan me sat i bussen fekk me plutseleg vite at me skulle avgarde å sjå på "Highland Games" som er eit skotsk idrettsarrangement, med skotske øvelsar. Der skulle óg sjølvaste dronning Elizabeth komme!

Men det som var dagens høgdepunkt, var når me fekk sjå stokkasting!! Akkurat som på spelet me hadde på vår Commodore før i tida!! I tillegg var det tautrekking, sekkhopping (for ungar) og diverse springeøvelsar. Det var ein heil haug med folk og såg på!

Laurdagskvelden var me ute og åt middag saman, før me fortsatte med noko god drikke utover kvelden.

Søndag vart det nok ei shoppingrunde, og me for å vasa litt i byen.

Kyrkje utanpå....bar inni!

Per Gunnar fekk endeleg prøvd ein dobbeldekkar når me kom på flyplassen, om enn ikkje i fart...

To innfødde!!