Båt- og fjelltur til Hidra

I går var me nok ein gong på båttur, denne gongen gjekk turen til Hidra. Me la til kais i Rasvågen og snørte joggeskoa på. Turen gjekk då vidare til Langelandsfjell, der me fekk utmerka utsikt over havet.

Etterpå hadde me lunsj på bryggekanten, før me køyrde gjennom Eiekanalen og satte kursen mot Flekkefjord att.

 

På båtutflukt!

Forrige helg stappa me båten full av bagasje og syklar, og la avgarde på langtur - vertfall i forhold til kor me brukar å køyre med båten. Me satte kursen ut fjorden, og mot båttrekket på Listeid, der båten vart dratt på land og køyrd til neste fjord. Me fekk sitje i båten under traktorturen, og berre det var jo ei oppleving.

Farsund by

På laurdagen for me på sightseeing i skjærgarden utanfor Farsund, og hamna då til slutt på Skarvøy, der me kosa oss med bading og ein liten fjelltur.

 

På søndag var det duka for den store sykkeldagen, då me sykla til Vanse og Lista fyr, blei vel ca 4 mil med sykling til saman. Kjempfint vêr, men ein god del vind var det. Heldigvis var det motvind på veg dit, slik at me fekk medvind attende att! På Nordberg fort tok me lunsj, og skaut med pil og boge.

Etterpå var me og såg på forhistoriske stader, først var me og såg på pikksteinen, og då vart me òg plutseleg invandert av ein stor flokk med kyr/oksar, truleg på grunn av at Per Gunnar hadde raud sekk på seg.

 

Etterpå var det helleristningane på Penne som stod for tur:

På veg mot Lista fyr måtte me stoppe for å ta bilete av desse søte skapningane:

Lista fyr:

Me låg i Farsund frå fredag til måndag, då me køyrde inn Rosfjorden til Lyngdal, der me hadde ei overnatting. Var på Rosfjord Fjordhotell og åt middag etter å ha vore i Sørlandsbadet.