Grilltur til Brufjell - ein perfekt laurdag :)

For på jobb på laurdag, men etter å ha sete og sett ut på sola og det nydelege vêret, bestemte eg meg for at dette går ikkje an. Særleg ikkje etter at eg såg vêrmeldinga til søndag, som viste seg å ikkje vare særleg god. Så da var det berre å logge seg av maskina, og sett kursen heimover.

Drog Per Gunnar opp av senga, begynte å småpakke, fant fram pølser, laget kakao, så var det å komme seg avgårde. Måtte innom ein butikk og to bensinstasjoner før me fann eingongsgrill, men på Statoil har dei det meste.

Så tok me vegen mot Åna-Sira og Roligheten. Parkerte bilen, og satte kursen mot toppen for å leite etter minnebrikken til Nerland.

Per Gunnar satsa på joggesko, mens eg safa og tok på fjellskoa, men begge to kom velberga og tørrskodde til toppen. Me skreiv oss inn i boka, og klipp nr. 2 i årets "10 på topp" var ein realitet.

Me fann oss ein lun plass på den forblåste toppen, og då var det å fyre opp eingongsgrillen og hive på pølsene. Me hadde faktisk tolmod nok til å vente til den var skikkeleg varm. I og med at Per Gunnar vant ein termos på loddsalget på jobb på fredag, passa det også bra og ha meg seg kakao på tur. So sat me på toppen og kosa oss, ingenting er som grillmat etter en hard(?) fjelltur. Etterpå var det berre å nyte det herlige solskinet, og den flotte utsikta. Begge to sovna, deilig å slappe av i sola, og so vart me kanskje litt brune òg.

Men me fann ikkje minnebrikken no heller...